Evrópusambandið

Ég er ekki viss og veit ekki alveg í hvern fótinn ég á að stíga í þessu máli. Ég held að EB sé að undirbúa inngöngutilboð til handa Íslendingum til að lokka okkur inn. Þetta tilboð kemur til með að innihalda það að EB borgi hluta eða allar skuldir gömlu bankanna.

Það eru fordæmi fyrir slíku. Portúgal fékk þúsundir miljarða í Íslenskum krónum talið til að laga sitt samgöngu og skólakerfi. Belgía fékk höfuðstöðvar EB til Brussel auk þess að EB borgaði stórar upphæðir til viðhalds og endurbyggingar á opinberum byggingum og kirkjum.

Auðvitað er erfitt að hafna tilboði sem verður á þessa lund, það er að segja að EB borgi skuldir okkar gegn því að við göngum inn. Þá er spurningin hvað við látum af hendi?

 Við verðum að standa vörð um okkar auðlindir. Fiskimið og orku. Ef það tekst þá vil ég inngöngu í EB sem fyrst.

 Kveðja

Halldór Heiðar